Ngokubika kwe ZiMoja umndeni oshonelwe eSanford, ePhoenix, ngaphandle kweTheku, KwaZulu-Natal, ungene esigamekweni esishaqisayo ngesikhathi uphucwa imali nobucwebe ngabesifazane abathathu abebezenza izililo ngesikhathi belungiselela ukungcwaba othandiweyo wabo.
Abasolwa abebegqoke ezimnyama bephethe namabhayibheli kuthiwa bangene kulo muzi bezenza sengathi badlulisa amazwi enduduzo.
Lo mndeni, osesimweni esibucayi sokuzila, wemukele ngomusa abesifazane ngaphakathi, bagcina bekhonjwe ngezibhamu, beboshwe izandla ngemuva, bavalelwa ekamelweni njengoba izigilamkhuba zigqekeza indlu.
Kulandela ukugetshengwa, abesifazane babaleke.
Okhulumela amaphoyisa KwaZulu-Natal, uColonel Robert Netshiunda, ukuqinisekisile ukuthi amaphoyisa aphenya icala lokweba elenzeke emzini okuCotsford Road eSunford, ePhoenix.
Discover more from IBUNDA NEWS
Subscribe to get the latest posts sent to your email.
