Umlandeli ubahlasela umlingisi

Ezweni lezokuzijabulisa, kubonakala sengathi abanye abalandeli abazi ukuthi bawudwebe kuphi umugqa. Owayengumlingisi weGomora, uSicelo ‘Seekay’ Buthelezi, uwubufakazi obuphilayo bokuthi abalandeli kwesinye isikhathi bayakwazi ukuhlukumeza. Ngokwemibiko, lo mlingisi ojoyine iSkeem Saam ngoMashi wahlangabezana ngendlela engathandeki nomlandeli ozifelayo ngaye owambiza ngomdlwenguli ngenxa yomlingisi wakhe wakumabonakude.

Lomlingisi owaziwa kakhulu ngelikaSeekay, ulingisa indawo kaToby, owesilisa odume kabi osanda kuxhaphaza intombi yakhe edlala kulomdlalo u-Ntswaki (Lethabo Mekoa), ngesikhathi eshintsha umqondo ngokuthandana naye.

Ngokusho komthombo osondelene nalo mlingisi, ubesanda kungena endaweni yokugcwalisa izimoto eGoli ngesikhathi owesilisa ongaziwa emi kulayini embingelela wabe esembiza ‘ngomdlwenguli’. Uthe: “Ey, ke wena owadlwengula kuSkeem Saam? (Wena mdlwenguli weSkeem Saam)

Umthombo uthe uSeekay wayedinwe egane unwabu, kodwa wanquma ukuqhela kulo mlandeli. Umthombo uqhube wathi lo mlingisi wayezishaya indiva futhi uyazi ukuthi uyazi ukuthi umsebenzi wakhe uzobe usemgqeni “Simncomile ngokuzibamba kwakhe- usemncane futhi kuningi okwenzekayo, ikakhulukazi uhlobo lwakhe,” kwengeza umthombo.

About The Author

IBUNDA IZINDABA

See author's posts