Umsakazi ongowokuzalwa KwaZulu-Natal, uPenny Ntuli, osezinze eGoli, usinde engozini yomgwaqo ecekele phansi imoto yakhe yohlobo oluphambili yohlobo lwe-BMW ngesikhathi elibangise eGauteng ku-N3 Highway ngoLwesibili.
Lomsakazi ngoLwesibili kusihlwa, wabelane nabalandeli bakhe ezinkundleni zokuxhumana ngokwenzeka esendleleni esuka eThekwini eya eGoli. Utshele abalandeli bakhe ukuthi ngesikhathi esekhaya unqume ukuza neyakhe imoto eGoli ngoba useyajwayela indawo, ngebhadi imoto yakhe ilinyazwe wugodo oluwele ngemuva elolini ku-N3.
Waze wabelana ngesithombe imoto yakhe eyayilimele esandleni sokudla, ibhonethi namalambu angaphambili kwacekelwa phansi yilologodo. Ubalule ukuthi akekho olimele ngesikhathi kwenzeka ingozi ngoba uzame konke okusemandleni ukugwema ezinye izimoto ebeziqhamuka ngemuva kwakhe wakhetha ukuphuma emgwaqweni.
About The Author
Discover more from IBUNDA NEWS
Subscribe to get the latest posts sent to your email.
