Owesilisa oneminyaka engu-35 ubudala waseZimbabwe ugwetshwe odilikajele abathathu ngokudlwengula amantombazane amathathu amancane. Isigwebo sikhishwe yiNkantolo yesiFunda yaseModimolle.
Ngokwemibiko, ngomhlaka-31 Meyi 2022, ummangalelwa uTinos Chimedze, ongowesilisa waseZimbabwe, wadlwengula izisulu ezintathu ezineminyaka ephakathi kuka-10 no-11 ubudala. Ngemuva kwalesi sigameko kusolakala ukuthi wathumela izisulu endaweni yokusiza izisulu ukuba ziyocela ukudla, e-Modimolle extension 13 Jasper.
Umsunguli wesikhungo sokuthuthukisa izisulu owayekhona ngaleso sikhathi waba nokusola ngesikhathi ummangalelwa eshiya izisulu. Uxoxisane nabo base bemazisa ngalesi sigameko sokudlwengulwa.
Amaphoyisa abikelwa ngokushesha, avakashela endaweni yesigameko kwavulwa amacala okudlwengula. Umsolwa uTinos Chimedze walahlwa yicala wagwetshwa odilikajele abathathu ngamacala amathathu okudlwengula. Izigwebo zizosebenza kanye kanye.
Discover more from IBUNDA NEWS
Subscribe to get the latest posts sent to your email.
