Owesifazane oneminyaka engu-34 ubudala waseMpumalanga uboshiwe ngezinsolo zokudlwengula umfana oneminyaka engu-12 ubudala. Lo wesifazane kuthiwa wahlangana nengane eyayivakashele ugogo wayo eMhluzi ngaseMiddleburg ngomhlaka-5 Ephreli 2024.
“Umsolwa kusolakala ukuthi wabamba isisulu waziphoqa kuso,” kusho okhulumela amaphoyisa esifundazweni uColonel Donald Mdluli.
Kulandela lesi sihlava umfana wabikela ugogo wakhe ngokwenziwa yilo wesifazane kuyena udaba lwabikelwa amaphoyisa ngokushesha aqala ngophenyo. “Umsolwa wesifazane ulandelwe ngmkhondo waze wabanjwa ngamaphoyisa ngoMsombuluko, 08 April 2024,” kuchaza uMdluli.
Ube esevela eNkantolo yeMantshi yaseMiddleburg ngamacala okudlwengula ngoLwesithathu, 10 April 2024. Ugcinwe esitokisini njengoba elindele ukuvela enkantolo ngokulandelayo ngomhlaka-16 Ephreli 2024 ukuze afake isicelo sebheyili esisemthethweni.
Discover more from IBUNDA NEWS
Subscribe to get the latest posts sent to your email.
