Kubikwa ukuthi izinkunzi zase-Egypt, i-Al Ahly, zinqume ukwenza umgqigqo omkhulu kuPercy Tau waseNingizimu Afrika. I-Planning Committee yeqembu inqume ukungasivuseleli inkontileka yalowo owayedlalela iMamelodi Sundowns, uMarcel Koller oyimenenja yakhe uvuma ukudayiswa kwakhe ngombandela owodwa, ngokusho kweKora Arabia.
Kuthiwa lo mgadli waseNingizimu Afrika usethubeni lokuthola inkontileka entsha yeminyaka emithathu namaRed Devils. Kubikwa ukuthi inkontileka entsha izomenza ahole iholo lonyaka lika-$1.2 million (R23 million), elizokwenyuka ngo-$100 000 (R1.9 million) ngesizini yokuqala, $150 000 (R2.8 million) kwelandelayo, kanti $200 000 (R3.8 million) ngonyaka wokugcina.
Manje, nokho, umthombo ocashunwe yiKora Arabia uthe lesi sinqumo siza ngenxa “yokwehla kwezinga lakhe kusukela ekuqaleni kwesizini” kanye nezimfuno eziphezulu zeholo lakhe ziphakathi kobunzima beqembu uma kukhulunywa ngokukhokhela abadlali bangaphandle ngamadola.
Bengeze ngokuthi ikilabhu manje isibheke ukuthengisa lowo owayengumdlali weBrighton & Hove Albion ekupheleni kwesizini. U-Koller, kukholakala ukuthi usivumile isinqumo seKomidi,
kodwa wabeka ukuthi umuntu ozongena esikhundleni esifanele kufanele akleliswe ngaphambi kwakhe ukusuka.
UTau ujoyine i-Al Ahly ngo-Agasti 2021 kanti usedlale imidlalo engu-98 kulesikhathi lomgadli usehlohle amagoli angu-24 kanti wasiza angu-13.
Discover more from IBUNDA NEWS
Subscribe to get the latest posts sent to your email.
