Basebenze kanzima abazimo eziphuthumayo bakwa-ALS ngesikhathi befika eMoorton Shopping Centre lapho iphoyisa likaMasipala lishayiswe khona yitekisi. Abezimo eziphuthumayo bafike endaweni yesigameko bathola iphoyisa elimele kanzima lidindilize emgwaqeni.
Abe-Advanced Life Support Paramedics bazame ukusimamisa iphoyisa okukholakala ukuthi lineminyaka eko-30 ubudala endaweni yesigameko elithole ukulimala ngaphambi kokuba liphuthunyiswe esibhedlela esiseduze ukuze lithole ukunakekelwa okwengeziwe.
UMnyango uthi amaphoyisa amabili kamasipala abesemsebenzini amise itekisi ngoLwesibili ekuseni amnikeza amasamanisi okuthi avinjwe. Ithi umshayeli uthathe leli phepha, walifohloza walilahla phansi ngaphambi kokusuka ngesivinini esiphezulu. Izithombe zesigameko zikhombisa ikhumbi ivinjwe yiveni yamaphoyisa kamasipala.
Umshayeli wetekisi wabe esenza i-U-turn. Elinye iphoyisa ligijime lafika ekhumbini ladubula elilodwa lizama ukumisa umshayeli. Umqhubi wetekisi esikhundleni salokho washeshisa, wehlisa iphoyisa likamasipala. Usomatekisi uboshiwe.
UMnyango wamaPhoyisa kaMasipala weTheku weluleke abashayeli bezimoto ukuthi balandele imiyalelo yamaphoyisa, uma kukhona abangagculisekile ngakho, baludlulisele ezinkantolo.
Just after 8:30am this morning ALS Paramedics responded to the Moorton Shopping Centre where a Metro Policeman had been knocked down by a taxi.
— Yusuf Abramjee (@Abramjee) February 13, 2024
Paramedics arrived on the scene to find the seriously injured officer lying on the roadway. Advanced Life Support Paramedics worked to… pic.twitter.com/RoKUU4yGTJ
Discover more from IBUNDA NEWS
Subscribe to get the latest posts sent to your email.
