Kuboshwe uthisanhloko wesikole kanye nesisebenzi ngokubulawa kwesikhulu Somnyango Wezemfundo

Esigamekweni esinyantisayo, amaphoyisa nophiko oluzimele babophe uthishanhloko (49) nomunye umsolwa wesilisa (42) mayelana necala lokubulawa likaDkt. Malekutu Johannes Mehlape (56) oyisikhulu soMnyango wezeMfundo, owadutshulwa wabulawa emzini wakhe eMankweng Zone1 ngoDisemba 28, 2023.

Ukuboshwa kwalaba, kwenzeke ngokwehlukana ngemuva kwemiphumela yophenyo olunzulu. Uthishanhloko wesikole ubanjwe eMoremadi Park ngemuva kokukhishwa kwencwadi egunyaza ukuthi aboshwe. Imikhondo emihle ibe isiholela ekuboshweni kwendoda eneminyaka engu-42 ubudala etholwe lapho ibicashe khona eMahwelereng Zone1.

Lo msolwa utholwe nezinhlamvu nesibhamu sohlobo lwe-9mm esine-ground serial number. Uphenyo lokuqala luhlobanisa isibhamu esitholakele nokubulawa kukaDkt. Mehlape. Bobabili abasolwa kulindeleke ukuba bavele eNkantolo yeMantshi yaseMankweng kanye nabasolwa abathathu uHlolofelo Mogotlane (33), Tshepo Ranoto (34) noMologadi Mehlape (28). Amacala ababhekene nawo ahlanganisa elokubulala, elokutholakala nesibhamu esingekho emthethweni kanye nelokutholakala nezinhlamvu.

Ukuboshwa kwabasolwa abathathu okwengeziwe kwenzeke emasontweni edlule, ngemizamo ehlanganyelwe yethimba labaphenyi, okuhlanganisa ithimba lesifundazwe elilandela umkhondo, amalungu esifundazwe okubulala nokuphanga, nezinkampani zonogada ezizimele. Ngesikhathi kuboshwa laba, kuthathwe i-double cab iFord Ranger, okukholakala ukuthi yiyo eyasetshenziswa ukwenza leli cala.

Ngokwemininingwane etholakele, indodakazi kamufi yacashunwa ibuya emcimbini maqede yafakwa endlini ngenkani. Abasolwa babe sebefuna imininingwane yokuthi ukuphi uDkt. Mehlape base beqhubeka nokugebenga omunye wababekhona. Ngemuva kokuthola uDkt Mehlape, kuthiwa bafuna imali, kwathi uma beyithola bamdubula ngaphambi kokubaleka endaweni yesigameko.

Ibamba likaKhomishana wamaPhoyisa eLimpopo, uMajor General Jan Scheepers, uncome ithimba eliboshiwe ngemizamo yalo engapheli yokubopha abasolwa abahlobene nalesi sihlava. Uthe uphenyo lwamaphoyisa lusaqhubeka, kanti kulindeleke ukuthi kuboshwe abanye abantu njengoba kuqhubeka icala.