Amadoda amabili abekwe amacala okubulala ngesihluku uNadine Terblanche nendodana yakhe uRuandré Vorster, abatholwa beshonile emzini wabo oseRandhart ngonyaka odlule. UFreddie Stapelberg, umlingani kaTerblanche, noPardon Danhire, ongumlimi wasengadini odabuka eZimbabwe, bavele eNkantolo yeMantshi yasePalm Ridge ngoMsombuluko, bebhekene namacala amabili okubulala ngenhloso.
UPardon Danhire noFreddie Stapelberg bobabili basolwa ngokubabulala ngembazo. UStapelberg uboshwe ngoLwesihlanu wavela eNkantolo yeMantshi yasePalm Ridge namuhla. Phambilini bekwaziwa ngokuthi uyena owathola izidumbu, njengoba kubika i-Alberton Record, kodwa manje usolwa ngokuba yingxenye yobugebengu.
Egqoke ihembe lakhe lomsebenzi wasolwandle, wabhekana namacala ayisithupha okubulala nokuhlela kusengaphambili. Unqatshelwe ibheyili icala lakhe lahlehliselwa uFebhuwari 7 ukuze kulalelwe ibheyili ngokusemthethweni. U-Stapelberg, okubikwa ukuthi wayethembisene umshado noTerblanche, manje usegxile kakhulu ophenyweni. UDanhire (37) owake wasebenza engadini kulo mndeni oyisakhamuzi saseZimbabwe naye ubekwe icala elifanayo.
Uvele kuyona le nkantolo ngoJanuwari 3 wacela usizo lwezomthetho kummeli kahulumeni kepha eqale wathi uzozimela. Uphinde wadela ilungelo lakhe lebheyili. Icala lakhe lihlehliselwe uJanuwari 24, kusalindwe isinqumo sokuthi lizodluliselwa yini enkantolo enkulu.
About The Author
Discover more from IBUNDA NEWS
Subscribe to get the latest posts sent to your email.
