Bagwetshwe iminyaka ewu20 zibadla ejele abaseZimbabwe

Izakhamuzi zaseZimbabwe zithole isigwebo seminyaka engamatshumi amabili ngokutshontshwa kwamakhebula ethusi kanye lokuphambanisa ingqalasizinda. INkantolo yesiFunda yaseThabazimbi eLimpopo inikeze uColin Mlambo, 35, no-Andile Alfonso Ndlovu, 19, oneminyaka engu-19, bobabili abangabokudabuka eZimbabwe, ukugwetshwa iminyaka engu-20 bebhadla ejele. Amacala abo ahlanganisa ukungcolisa ingqalasizinda ebalulekile, ukweba amakhebula ethusi, kanye nokuphulwa kwe-Immigration Act.

NgoJulayi 7, 2021, Isidingo Security Company yathola indlebe mayelana nokuntshontshwa kwamakhebuli ethusi akwaTransnet esiteshini sesitimela saseKilkenny eNortham. Ngesikhathi befika endaweni yesigameko, onogada bathole ukuthi ikhebula likaTransnet elingamamitha angu-100 lisikiwe lantshontshwa ebusuku. Ngemuva kwalokho baqale ukuthungatha abasolwa bafica imoto eduze kwendawo yesigameko. Umshayeli nomgibeli oyedwa bazame ukubaleka kodwa babanjwa onogada, kubika i-IOL.

Ukuseshwa kwemoto kuvele ukuthi izintambo zikaloliwe ezebiwe esiteshini sesitimela saseKilkenny. Inkantolo ilalele ukuthi isiteshi sesitimela saseKilkenny senzeke izehlakalo ezingu-32 zokwebiwa kwethusi phakathi kukaFebhuwari noJulayi 2021, okungamamitha angu-7,500 ezintambo zethusi ezintshontshiwe, okwaholela ekulahlekelweni okungaphezu kuka-R3 million. Umphenyi omkhulu wakwaTransnet uveze ukuthi inkampani ithwale kanzima ukulungisa umonakalo ngenxa yobukhulu bezigameko zokwebiwa.

Ngesikhathi kuqhubeka leli cala, uMbuso wethula ubufakazi obuveza umthelela wezomnotho obangelwe yilokhu kweba, okuholele ekuhoxisweni kwezitimela kanye nokulahlekelwa okukhulu ezinkampanini zikahulumeni. Yize beliphika icala, inkantolo ithole abasolwa benecala yase ibagweba iminyaka engu-20.

Isinqumo senkantolo, esilawula lezi zigwebo kanye kanye, sisho ukuthi zombili izizalwane zaseZimbabwe zizodonsa iminyaka engu-20 ejele. UMqondisi wezokuShushiswa koMphakathi, u-Advocate Ivy Thenga, usamukele isigwebo, egcizelela umyalezo waso ngokumelene nala macala. UThenga ugcizelele ukuzibophezela kwe-NPA ekushushiseni izigebengu ukuze kuvikelwe ingqalasizinda ebalulekile yemisebenzi yomphakathi.