Umkhankaso wamaphoyisa angaphansi koMkhandlu wase Mzinyathi uthele izithelo ezinhle

Umkhankaso wamaphoyisa ngaphansi koMkhandlu wase Mzinyathi uthele izithelo ezinhle, njengoba amaphoyisa etshalwe ngobuningi ukuqapha isimo sokuthula njengoba kwiyizinsuku zamaholidi. Okhulumela amaphoyisa ase Mzinyathi Constable Siyabonga Nkwanyana ukuqinisekile ukithu lomkhankaso wamaphoyisa angaphansi koMkhandlu wase Mzinyathi usuthela izithelo ezinhle.

“Amaphoyisa abophe abasolwa ababili eMdlovane labasolwa abaphakathi kweminyaka engu 29, 51, batholakale nesibhamu nezinhlamvu ezingekho emthethweni. Siphinde sabopha indoda etholakale nesibhamu sohlobo le piston nezinhlamvu ezingekho emthethweni, ngesikhathi amaphoyisa eqhuba umkhankaso wokusesha izimonto edolobheni lase Mdlovane. Amaphoyisa alandele omunye umkhondo owaholele eNgome athola isidumbu somuntu sindindilizile obulewe ngohlobo lesibhamu se 303 kanti lezigameko zibikiwe emaphoyiseni ase Mzinyathi.” kubeka uConstable Nkwanyana.

Uphinde waxwayisa izakhamuzi eziphambana nomthetho ezihlala ngaphansi komkhandlu wase Mzinyathi ukuthi bazoboshwa njengoba ingalo yomthetho yinde, kanti kunxuswa nomphakathi ukuthi umangabe kukhona okungahambi kahle babikele amaphoyisa. “Amaphoyisa ethu siwatshalile kuwona wonke amakhona omkhandlu wase Mzinyathi namaphethelo, akhona esiwatshale komasipala abahlukene abangaphansi komkhandlu wase Mzinyathi.” kuphetha uConstable Nkwanyana.

Kumasipala waseMsinga, umasipala waseMvoti, nomasipala wase Nquthu, kanye nomasipala wase Ndumeni kujwayelekile ukuthi kubikwe izindaba zokubulawa kwabantu, ngezikhathi zamaholidi kazibandlela.

Izakhamuzi zase Mzinyathi ezisebenza kude zisuke zibuyile emadolobheni amakhulu namancane, emcimbini ekhona ezizweni zamakhosi amaphoyisa azoba khona eqhaphile isimo sokuthula. Ngemininingwane mangabe ufuna usizo oluthe xaxa ungaxhumana nomkhulumeli wamaphoyisa eMkhandlwini wase Mzinyathi, Constable Siyabonga Nkwanyana kulezinombolo zocingo, 07858446971/0795001354, noma ngavakashela emahhovisi amaphoyisa eTask Team ngaphansi komkhandlu wase eMgungundlovu, noma eMatimatolo epholisiteshini, Glencoe K9 unit at Helpmekaar.