Itumeleng Khune usekhishiwe ohlwini labadlali be Carling all Stars abazovotelwa ngabalandeli. UKhune ukhishwa ngenxa yokuthi usamisiwe iqembu lakhe iKaizer Chiefs ngenxa yokumthola ephuzile izinkamba zika Faro. Lokaputeni we Kaizer Chiefs uselahlekelwe isikhundla sokuba ngukaputeni we Kaizer Chiefs, waphinda walahlekelwa ukuba ngunozinti oqala imidlalo.
Kumanje uhlalele ovalweni lokuthi alahlekelwe ngabaxhasi bakhe, kumanje akukho abakushilo abaxhasi bakhe bathule. Lonozinti wazakhela igama ebholeni lakuleli ngokubamba ngisho impukane emapalini, waphinda waphula ilekhodi lika Andrew Arendse lokuvimba imidlalo engu 67 eqenjini lesizwe iBafana Bafana njengoba yena udlale imidlalo engu 91 eqenjini lesizwe, uphinde wavimba ku FIFA Confederations Cup ngo 2009, lapho wavimba iphenathi yomgadli wase Spain uDavid Villa, ngo 2010 nguyena owayesemapalini eBafana Bafana, nakuma Olympics.
About The Author
Discover more from IBUNDA NEWS
Subscribe to get the latest posts sent to your email.
