USboniso Tiger Gonya ukhiphe ishobolo ngokushaya kabuhlungu uMduduzi Mzimela ngamaphuzu izolo eIcerink eThekwini. UGonya uhlwithe kalula ibhande le KZN Title Bantam Weight ku Mzimela kanti umfoka Gonya ukhombise zisuka ukuthi ufuna ukunqoba njengoba ubeshaya izibhakela ezihlala enyameni. Izibhakela zika Mzimela bezingayitholi indawo ku Gonya okhombise ukuthi uMduduzi Mzimela lusabokozela ukhakhayi.
UGonya uvele wakhombisa ukuthi kudala ewisa izinsizwa phansi, ubemvimba kalula ukuthi angasondeli eduze kwakhe. Abalandeli bezamankomane abawuvalanga umlomo ngezinga eliphezulu elikhonjiswe ngu Gonya ekade sebemlaxazile abahleli bezimpi KwaZulu-Natal. Ubonge uHlula Dladla weHlula Dladla Boxing ngokumnika ithuba lokumqatha, njengamanje usengumphetha omusha we KZN Bantam Weight.
Discover more from IBUNDA NEWS
Subscribe to get the latest posts sent to your email.
