Alale ebaliwe ezitokisini amaphara abanjwe ngaphakathi ebhilidini likaMasipala wesiFunda uMzinyathi entshontsha amapayipi e-copper.Lama phara abanjwe ngonogada bebhilidi benkampani iSiyajabula Security services ephethe nodlawu okuyilona abalusebenzisayo ukugqashula amapayipi.
Kwenzeka lokhu nje bekusanda kuvulwa icala eNquthu lapho izilamkhuba zintshontshe khona ama-cable axhuma amaboreholes. Kwathi eMvoti kwaqaqwa ukhonkolo okubiywe ngawo isiphihlimanzi.
Imeya uMhlonishwa PMS Ngubane uthi abantu kumele bazi ukuthi izingqalasizinda zikamasipala zingezabo yibo okumele bazigade zingacekelwa phansi bethuli. “Sibhekene nenkinga yokuqala phansi silungise izinto ebesezilungisiwe zakhokhelwa enhle imali.Siyabonga ukuthi laba ebentshontsha eMzinyathi babanjiwe futhi njengoba sebesemthethweni siyethemba ukuthi bazosithola isijezo esibafanele,” kusho iMeya.
Discover more from IBUNDA NEWS
Subscribe to get the latest posts sent to your email.
