Ibulale unina obuthaka indodana e-Hazelmere eKZN

Kuboshwe indoda eneminyaka engu-33 ngokubulala unina eHazelmere KwaZulu-Natal namhlanje ngokusho kwe: Reaction Unit SA

Iphoyisa ebelingekho emsebenzini elihlala kule ndawo, lithinte iReaction Unit South Africa (RUSA) ukuze lithole usizo ngezithuba mayelana nokuduka kwesalukazi. Kube sekukhishwa ithimba lonogada bakwa-Reaction Unit SA benikela khona bafika endaweni yesigameko namaphoyisa aseVerulam.

Abezimo eziphuthumayo bakwa-RUSA bangene ekamelweni bathola isidumbu esasiqala ukubola sika-Daw Kerr oneminyaka engu-72 ubudala embhedeni egumbini ebelihlala abantu abaqashile. Indodana yakhe iqale yabikela abosizo lokuqala ukuthi unina washona ngenxa yezizathu zemvelo.

Ezinye izakhamizi zazise abemothetho i-Law Enforcement Officer ukuthi umufi ugcine ukubonakala ngoLwesibili. Bambuza ngempilo yakhe kodwa indodana yakhe yayilokhu ibeka izizathu zokuthi kungani unina engafune kuphazanyiswa.

Ekuseni babhekane naye befuna ukumhlola ukuthi unjani. Babesola ukuthi ushonile ngenxa yephunga elibi eliphuma ekamelweni. Ngemuva kwalokho bathintana nesikhulu sakwa-SAPS esingekho emsebenzini ukuze sithole usizo nokwabe sesithinta i-RUSA Operations Centre kanye nehhovisi le-Verulam SAPS Charge Office.

Ngesikhathi ihlohlwa ngemibuzo, le ndoda yanikeza ama-Reaction Officer kanye namaphoyisa izinhlobo ezahlukene zezehlakalo ezaholela ekushoneni nina u-Kerr. Emuva kokuphonswa imibuzo, ukuqinisekisile ukuthi unina uhlala emzini ogxile ekunakekeleni abantu ababuthaka eSouth Beach, eThekwini kanti ufike kwakhe emasontweni amabili edlule ezomvakashela.

NgoLwesibili, wanquma ukumgeza endlini yangasese. Uveze ukuthi wenqaba ukugezwa nguyena waphenduka waba nodlame kwathi ngomzuzwana wokucasuka wamphusha. Owesifazane uwele phansi walimala ekhanda. Wamgqokisa wambeka phezu kombhede ngaphambi kokuhlanza igazi lasendlini yokugezela. Owesilisa wasuka endaweni kodwa wabuya wathola ukuthi useshonile.

Akazange acebise muntu ngokufa kwakhe futhi wahlala ekamelweni nesidumbu sakhe esasesiqala ukubola, ubusuku obuthathu obulandelayo.

Ehamba emini aze abuye ntambama. Umsolwa uboshwe ngamaphoyisa endaweni yesigameko.