USiyabonga Sanderson oneminyaka engu-22 ubudala uvele eNkantolo yeMantshi KaBhokweni eMpumalanga, ebhekene necala lokubulala nelokuphula umthetho.
Usolwa ngokubulala umkhulu wakhe u-Albert Sanderson, 75, wamngcwaba ngemuva komuzi wakhe eSwalala ngaphandle kwaseWhiteriver. Isidumbu sika-Albert Sanderson sikhishwe ngamaphoyisa ethuneni elingashoni emzini wakhe izolo.
USiyabonga utshele inkantolo ukuthi akazimisele ngokufaka isicelo sebheyili futhi uzophinde ayozimela enkantolo ngaphandle kosizo lommeli.
Ngokusho kwamaphoyisa okukaSiyabonga wukuthi walwa nomkhulu wakhe, wamshaya izibhakela izikhathi eziningi ngemuva kokuthi umkhulu emkhuze ngokuletha izintombi endlini.
Discover more from IBUNDA NEWS
Subscribe to get the latest posts sent to your email.
