I-March and March ithi: Kuza igagasi lesibili elikhulu, elinamandla

Ngaphambi nje koMhlangano Omkhulu we-SADC, uJacinta Ngobese Zuma udlulise umyalezo kuzo zonke izinhloko zemibuso eThekwini: “Lungiselelanani ukuxoshwa ngobuningi kwabo bonke abantu bakwamanye amazwe abangekho emthethweni eNingizimu Afrika ngomhlaka-30 kuMandulo (September) 2026.”

UJacinta uphinde wahlonipha impilo kaSeebi Dlamini, umculi kamaskandi obedume ngeleNkosi Yamagcokama oshone ngendlela ebuhlungu engozini yemoto. “Wayengeyena nje umculi. Wayengumakhi wesizwe. Wayelapha izinhliziyo eziphukile ngomculo wakhe. Futhi ukushona kwakhe kushiya isikhala esikhulu.” Kusho isitatimende seMarch and March.

I-March and March ithi: Kuyeza igagasi lesibili elikhulu, elinamandla, nelihleleke kangcono kunelango-30 kuNhlangulana (June). Abaholi be-SADC bayaxwayiswa ukuthi abalande abantu babo.

Umyalelo kazwelonke kumele ukubeke kucace ukuthi awuhambisani nokuphulwa komthethosisekelo nokwehlisa isithunzi samalungelo abantu baseNingizimu Afrika. Abantu baseNingizimu Afrika kumele babe ngamehlo nezindlebe zamaphoyisa (SAPS) futhi babike bonke abantu bakwamanye amazwe abangekho emthethweni kanye nezenzo zobugebengu.

Kubaholi be-SADC abahlangene eThekwini: “Nilapha ukuze nixoxe ngokuhlanganiswa kwesifunda. Kodwa thina silapha ukuzonitshela ukuthi: ukuhlanganiswa ngaphandle komthetho kuwudlame nesiphithiphithi. Abantu benu bagcwale izwe lethu. Baphula imithetho yethu. Benza ubugebengu. Futhi bavikelwa uhulumeni ongenamandla nesiqiniseko. Asinayo inzondo kwabakwamanye amazwe (xenophobia). Sifuna ukuthi imithetho yethu iqiniswe futhi ilandelwe.” Kubhalwe esitatimendeni search and March.