Ngu: Mduduzi Mbangayiya
Inkosi yesizwe saMabomvu eMsinga uMsawenkosi Ngubane isikhalise imndeni elahlekelwe yizihlobo zayo ezimuke nomfula phakathi kwakaNdaye noPhakwe.
Bane abantu abamukile okumanje abangakatholakali.
“Nginxusa abantu bakhokho wethu uSomahashi ongumbumbi wesizwe saMabomvu ukuthi balalele izexwayiso ezikhishwa yizangoma zezulu baphinde bangazithathi izindlela ezingenaso isidingo mangabe kuduma izulu,” kusho uNgubane.
Uthe izulu lanamuhla liguquka njalo okwenza libe ingozi.
“Njengoba ngikhuluma nawe lapha eMabomvini sigubuzelwe yifu elimnyama ngokudlula kweNduna uQondokwakhe Madumbe Dumakude obeyinduna yakwaLatha isigodi. Udlule emhlabeni mina ngisancela umbele ogwansile kuyena njengoba ubeyingwevu yesizwe, njenge Ndlunkulu yesizwe saMabomvu siyakhala kakhulu ngokudlula kaDumakude ngoba uhambe ngobuqotho esizweni saMabomvu, ” kusho inkosi yesizwe.
Inkosi inxuse isizwe ukuthi ezikhathini zobunzima sibambane sibemunye .
Inkosi Msawenkosi Ngubane okunguyena ohlezi esihlalweni seNdlunkulu yesizwe saMabomvu onke emhlabeni jikelele, lesi sihlalo sahlala inkosi uNgcukumane, inkosi Nomafu, inkosi Nomasikisiki, inkosi uNgogozabantu, inkosi Ngwane, inkosi Ngubane, inkosi uMbomvu, inkosi uNyoni eBomvu, inkosi Bhongondlovu, inkosi uNzombane, inkosi uSomahashi, inkosi uMawele, inkosi uNyoni yezwe, inkosi Mayizekanye, inkosi uMkhonto uBomvu, inkosi Mahlokohloko, inkosi uPano uJoseph nonguyise wenkosi ebusayo eMabomvini.
Discover more from IBUNDA NEWS
Subscribe to get the latest posts sent to your email.
