Ngu: Sidlabehlezi Gumede
Sishiye kukhalwa isiphepho esihlasele izingxenye eziningi enyakatho nesifundazwe saKwaZulu-Natal.
Inqwaba yemizi, izikole nemitholampilo kucekeleke phansi ezingxenyeni ezithize ikakhulukazi Ophongolo naseMkhuze.
Siye koshicilela ingekho imibiko ethi lesi siphepho ngabe ikhona yini imiphefumulo esidlule nayo.
UNgqongqoshe wezokuBusa ngokuBambisana neziNdaba zoMdabu KwaZulu-Natal uMfundisi Thulasizwe Buthelezi usethumele amathimba ezinhlekelele ukuba aqaphe isimo kulezi zindawo.
UButhelezi uphinde wathembisa ukuthi bazohlinzeka ngosizo lwesikhashana kulabo abakhahlamezekile.
Abanye abawelwe izindlu bakhosele komakhelwane nasezihlobeni.
Kwenzeka lesi siphepho nje, isifundazwe sisazikhotha amanxeba ngemuva kokuqubuka kwemililo KwaDukuza naseMdoni edlule nemiphefumulo engu-8 kubalwa nezingane ezincane.
Discover more from IBUNDA NEWS
Subscribe to get the latest posts sent to your email.
