Sekuqubuke izinxushunxushu eWhite City Jabavu eSoweto, lapho izakhamuzi seziqalile ukuvala izipaza eziphethwe abokufika. Lokhu kulandela isigameko esibuhlungu lapho owesilisa wakhona oneminyaka engu-22 okusolwa ukuthi udutshulwe ngowokufika owayesebenza kwesinye salezi zitolo.
Lesi sigameko sisuse umsindo emphakathini nokuholele ekutheni kusabalele izikhalazo zokuthi amabhizinisi abokufika athathelwe izinyathelo. Ividiyo ezungeza ezinkundleni zokuxhumana eyabiwe ngabakwaDudula News ikhombisa amalungu e-Operation Dudula, ehambisana namalungu omphakathi, evala ngenkani isitolo sespaza sangaphandle.
Leli qembu lifunge lagomela ukuthi lizozivala zonke lezi zikhungo eSoweto. Bagcizelela ukuthi akukho mpahla kule ndawo okufanele iqashiselwe abokufika ngaphandle kwemvume eqondile yamalungu omphakathi.
Izinxushunxushu ezikhona eWhite City Jabavu zisemuva nje ochungechungeni lwezigameko zodlame ezithinta abokufika. Ngesonto eledlule, ongowokudabuka e-Ethiopia osolwa ngokudlwengula intombazane, 7, eDiepsloot, uvele eNkantolo yeMantshi yaseRandburg ezofaka isicelo sebheyili.
Icala elinyantisayo, okusolakala ukuthi lenzeka ngaphakathi espaza somsolwa kukhona ingane yakwabo kamufi, seliqhubekisele phambili ukungezwani kwabantu bangaphandle kule ndawo. Isigameko saseDiepsloot siphinde sagxeka iziphathimandla zendawo. Umndeni wesisulu uthi uqale wajikiswa ngesikhathi uzama ukuyobika ngobugebengu esiteshini samaphoyisa eDiepsloot.
Kube ngemuva kwengcindezi enkulu evela emphakathini lapho amaphoyisa avula icala lokudlwengula, okwaholela ekuboshweni kwabasolwa ngemuva kwezinsuku ezintathu.
ULoyiso Toyiya, usihlalo weDiepsloot Community Forum, unikeze imininingwane eshaqisayo ngalesi sigameko. “Izelamani ezimbili bezizoya esikoleni. Babizwa insizwa yase-Ethiopia engumnikazi wesitolo yabanika ama-chips. Wanika umfana u-R5 wathi akavale amehlo ngesikhathi enukubeza udadewabo. Udokotela ukuqinisekisile ukuthi ingane ingenisiwe,” kusho uToyiya.
Njengoba isimo siqhubeka nokushuba isimo eSoweto. Amalungu omphakathi, eqhutshwa intukuthelo nokukhungatheka, abonakala ezimisele ukuzibambela mathupha, okungaba nemiphumela elimazayo kubantu bangaphandle abahlala futhi abasebenza kuleyo ndawo.
Iziphathimandla ziyanxuswa ukuthi zingenelele ngokushesha ukuze kunqandwe olunye udlame futhi kubuyise ukuthula.
Discover more from IBUNDA NEWS
Subscribe to get the latest posts sent to your email.
