Abasolwa ababili badutshulwe bashona ngesikhathi amaphoyisa eqhuba umkhankaso eChatsworth, KwaZulu-Natal, ngeSonto ebusuku. Abasolwa kuthiwa bebephakathi kokweba amakhebuli nezinye izinto ebhilidini likahulumeni ngesikhathi kungenelela abomthetho. Amalungu ethimba lesifundazwe alandela umkhondo weDirectorate for Priority Crime Investigation (DPCI), uphiko olulwa namaqembu ezigelekeqe iDPCI, iMetro Police Special Operations Directorate kanye neStay On Alert Security bebelunywe indlebe ngesikhathi bebhekana nabasolwa.
Ngokusho kweziphathimandla, abasolwa badubule babhekisa izibhamu emaphoyiseni, nokwaholela ekutheni amaphoyisa abuyisele kubasolwa, kuthiwa ababili bashonele endaweni yesigameko, kwathi owesithathu walimala wabe esephuthunyiswa esibhedlela esiseduze ukuze athole ukwelashwa. Ngesikhathi kuqhubeka lo mkhankaso amaphoyisa athole izibhamu ezimbili kubasolwa.
Ngenhlanhla, awekho amaphoyisa alimele ngesikhathi kudutshulwana. Ukusabela okusheshayo kwezombutho uhlangene kugcizelela imizamo eqhubekayo yokulwa nobugebengu kanye nokuqinisekisa ukuphepha komphakathi esifundeni. Uphenyo ngalesi sigameko lusaqhubeka, njengoba iziphathimandla zisebenzela ukuhlanganisa imininingwane egcwele yokuzama ukunqanda lubugebengu.
Discover more from IBUNDA NEWS
Subscribe to get the latest posts sent to your email.
