Umphathi we-eNCA kwizinsolo zokunyukubeza ngokocansi isisebenzi

Isiteshi sezindaba esidumile eNingizimu Afrika, i-eNCA, sizithola sisogwini lokuhlukunyezwa ngokocansi, nokudicileka kwesithunzi saso. Sekuqubuke izinsolo komunye wezinhloko zomnyango kulesi siteshi, osolwa ngokuhlukumeza ngokocansi owayeyisisebenzi, esithi sesilahlekelwe umsebenzi ngemuva kokubika isigameko.

Kuthiwa lesi sigameko esingesihle senzeka ngesikhathi kunephathi yabasebenzi, lapho umsebenzi efake khona isikhalo ngesikhulu esiphezulu. Usola ukuthi lo muntu wenze imzamoo nokuphawula okungafanele, okwaholela ekuthintaneni ngokomzimba okungafunwa.

Ngokwesitatimende samaphoyisa esitholwe IBUNDAIZINDABA, lo msebenzi ulandisa ngendlela ahlukumezeka ngayo, okuhlanganisa nokubanjwa okhalo nokumpintshwa izinqe yilenhloko yomnyango.

Esimeni esibuhlungu, isisulu sithi naphezu kokuzwakalisa ukungaphatheki kahle kwaso futhi sabika udaba emnyangweni wezabasebenzi wenkampani, kodwa saxoshwa emsebenzini. Kubukeka sengathi ukuxoshwa kwakhe kuhlobene nokuphumela obala kwakhe ngenhloko yomnyango.

Isimo sishube kakhulu njengoba kuvele ukuthi isiulu saphelelwa wumsebenzi ngaphandle kwesinxephezelo nokuholele ekutheni afune usizo ngemigudu yomthetho.

Umthombo wangaphakathi kulesi siteshi udalule ukuthi ngesikhathi isisulu siqhubeka necala laso ngeKhomishini Yokuxolelana, Ukulamula, Nokwahlulela (CCMA), umklomelo wokulamula uvune yena, nokho i-eNCA iyasiphikisa lesi sinqumo enkantolo, ibambezela ukukhokha isinxephezelo. .

Ephendula imibuzo, u-Lee-Andree John, oyiNhloko Yeqembu Lezabasebenzi kwa-eMedia Holdings, ugcizelele umgomo wenkampani wokungabekezeleli ukuhlukunyezwa.

UJohn ukucacisile ukuthi ukuqashwa kwesisulu akunqanyulwanga ngenxa yezinsolo zokuhlukunyezwa ngokocansi kodwa waqinisekisa ukuthi lolu daba luphenywa ngaphakathi ngokuhambisana nemigomo yenkampani.

Ngaphandle kokuma kwe-eNCA, isisulu sisamile ekuphishekeleni ubulungiswa, sigqamisa usizi olungokomzwelo nezezimali. Eyeka ukuzibandakanya nabezindaba, uyasigcina isinqumo sakhe njengoba uphenyo lusaqhubeka nokubandakanyeka kwabomthetho.

Njengoba le ngxabano iqhubeka, i-eNCA ibheke ukubhekisiswa ngendlela ephatha ngayo ukuhlukumeza emsebenzini kanye nempatho yabasebenzi abanesibindi sokukhuluma ngokumelene nokungaziphathi kahle.

Leli cala lisebenza njengesikhumbuzo esisangulukisayo sendaba edlangile yokuhlukunyezwa ngokocansi ezilungiselelweni zobungcweti kanye nesibopho sokuthi izinhlangano zikhuthaze izindawo eziphephile nezisekelayo kubo bonke abasebenzi.