Ulahlwe yicala lokukhwabanisa u-R4.7 Million

OwayenguMeluleki Wezezimali we-Momentum Group Limited, u-Shaun Kenneth Dorning, 49, ulahlwe yiNkantolo yesiFunda yase-East London ngamacala angamashumi amathathu okukhwabanisa komshwalensi, esamba sika-R4.7 million.
Ukuboshwa kuka-Dorning kwenziwe yithimba le-Serious Commercial Crime Investigation elizinze e-East London loKlebe, ngokubambisana ne-Priority Crime Specialized Investigation kanye ne-National Prosecuting Authority ngomhla zingama-29 kuLwezi wezi-2023.

Amacala ayebekwe wona asukela endimeni yakhe njengosonkontileka ozimele ehlinzeka ngamasevisi kumakhasimende, okuhlanganisa no-Aristopix PTY LTD, lapho ayesebenza khona njengoMeluleki Wezezimali.

Ngo-2020, abaqondisi be-Aristopix basondela ku-Dorning befuna iholide lokukhokha ekutshalweni kwabo nge-Momentum. Ngemva kwalokhu, u-Dorning uphakamise ukuthi kushintshwe indlela yokukhokha ibe ngukheshi, ngokungafani nendlela yangaphambilini yokudonswa kwemali, ukuze kuhlangatshezwane nezimo ezishintshile. Abaqondisi basamukela lesi seluleko.

Nokho, uphenyo luveze ukuthi u-Dorning wenze iphutha ku-Aristopix ngokuthumela ama-imeyili kumphathi wezezimali, eqamba amanga ethi inombolo ye-akhawunti yasebhange enikeziwe ngekaMomentum. Ngemuva kwalokho, kwakhokhwa imali engaphezu kuka-R4.2 million kumshwalensi mbumbulu.

Lapho u-Aristopix efaka isimangalo kwa-Momentum, kwatholakala ukuthi akukho mali etshaliwe, naphezu kwenkokhelo enkulu kumshwalense ngokwemininingwane ye-akhawunti enikeziwe ka-Dorning. Isiyonke lemali, okuhlanganisa nenzalo obekufanele iqoqwe ngalesi sikhathi, ibe ngaphezu kwezigidi ezingu-R4.7.

OKlebe baqale uphenyo ngesikhathi bethola isikhalazo, okwaholela ekuboshweni kuka-Dorning ngomhlaka-29 Novemba 2023. U-Dorning uvele eNkantolo yeMantshi yase-East London ngalo lolo suku wadedelwa ngebheyili ka-R10 000.

Ukuqulwa kwecala kwenkantolo kwahlehliswa izikhathi ezimbalwa kwaze kwaba yilapho etholwa enecala okokugcina mhla zingama-31 kuMasingana 2024. Ukukhishwa kwesigwebo kuhlelelwe umhlaka-10 Ephreli 2024.

UMajor General Mboiki Obed Ngwenya, oyiNhloko yesiFundazwe, uzwakalise ukuziqhenya ngamakhono alaba baphenyi, wathi ukusebenza kahle kwabo kungenxa yekhono likaLady Justice lokusheshisa icala zingakapheli izinyanga ezimbili esohlwini lwezinkantolo. Lesi sigwebo siyisixwayiso esiqinile ngokumelene nokukhwabanisa kwezimali emkhakheni womshwalense.