Amaphoyisa aseThabong azingela abathintekayo ekubulaweni kukathisha waseLetsete Secondary School eThabong. USipho Mothekhe, 32, wagcina ukubonakala ephuma endaweni yokucima ukoma i-LDK eThabong ngezithuba zabo-02:00 ngemuva kokuchitha isikhathi nabangani bakhe endaweni yokucima ukoma eLimpopo, eThabong.
Ngemva kwalokho, intombi kaMothekhe yazama ukumthungatha ekuseni kodwa yangamthola. Yaya lapho ahlala khona ntambama imoto yakhe yayingekho egcekeni lakubo. Wabe esethola isidumbu sikaMothekhe endlini wabe esecela usizo komakhelwane. Ngesikhathi amaphoyisa efika afice ikhishi nezicabha ezigqekeza zivuliwe ngenkani, nesicabha siphukile.
Indlu yagetshengwa, uMothekhe watholakala enamanxeba engalweni nasemzimbeni kwesokunxele, ephukile esihlakaleni sokudla namanxeba okugwazwa esifubeni, entanyeni nasekhanda. Kutholwe ifosholo lasengadini eduze kwesidumbu sakhe. IVolkswagen Polo yakhe, iselula, nethelevishini iHisense HD bezingekho. Kubhaliswe icala lokugetshengwa, elokubulala nelokweba imoto ukuze kuqhutshekwe nophenyo.
Discover more from IBUNDA NEWS
Subscribe to get the latest posts sent to your email.
