Owayengumqeqeshi weKaizer Chiefs, u-Ernst Middendorp, unikeze iseluleko kubaphathi beMpofana mayelana nekusasa labaqeqeshi ababili uKhalil Ben Youssef noCedric Kaze asebenqobe imidlalo emihlanu ilandelana.UMiddendorp, ongumqeqeshi wokugcina owasiza iChiefs yaqeda endaweni yesibili ngesizini ka-2019/20, uthe ngeke kube ngumgqondo ophusile ukuthi ikilabhu ingabagcini uKaze noYoussef.
“Njenga manje bahamba kahle, ngakho akukho sizathu sokwenza umsindo omkhulu. Abadlali kumele baqine ngokwengqondo. Kuya ngokuthi umdlali uqine kangakanani engqondweni,” kusho uMiddendorp.
“Kuyafana nakubaqeqeshi. Ngaphandle kokuba nolwazi, njengo mqeqeshi kumele ube nenkani, ube nesakhiwo esicacile. Njengamanje, impumelelo iseduze, futhi kumele baqhubeke. Akukho sizathu sokuthi ikilabhu icabange nokuthi ubani okufanele angene athathe izintambo.
”Uthe nakuba iChiefs ingekho eduze nendawo yesibili njengamanje — ihleli endaweni yesithathu — kodwa inqubekela phambili ikhona. “Bawine imidlalo emihlanu ilandelana. Kube nokukhula okuhle. Thathani isinqumo, niqhubeke nalaba baqeqeshi, bese nibona ukuthi badinga kuphi ukusekelwa ngochwepheshe,” engeza.
Discover more from IBUNDA NEWS
Subscribe to get the latest posts sent to your email.
