Kuboshwe ababili beshushumbisa izimpahla emngceleni

kuboshwe abesilisa ababili eGroblersbrug Border Post ngezinsolo zokuzama ukushushumbisa izimpahla eNingizimu Afrika, nesamba senani salo mkhiqizo singaphezu kuka-R1.5 million. Abasolwa, abaneminyaka engu-38 no-42 ubudala, babanjwe ngoMgqibelo bezama ukuwela besuka eBotswana.

Okhulumela amaphoyisa aseLimpopo, uLieutenant Colonel Stephen Thakeng, ukuqinisekisile ukuboshwa kwalaba, wathi iloli, iFreightliner emhlophe enamapuleti aseGauteng, lavinjwa isikhulu se-custous ngokusebenzisa i-remover code engalungile. Umshayeli uzame ukugwazela iphoyisa ngokulifumbathisa u-R20 000, kodwa sachithwa ngokushesha.

Iphoyisa, lilandela umthetho olandelwayo, labikela uphiko lwamaphoyisa aseNingizimu Afrika (SAPS), iloli laphelezelwa layiswa lapho kuhlolwa khona ukuze kuqhutshekwe nophenyo. Lapho iziphathimandla zithole inqwaba yezinto ezingekho emthethweni, ezazifihlwe ngaphansi kwempahla okuthiwa yayiyitshe eliyigugu.

Impahla ewumgunyathi eshaqwe ihlanganisa amakhathoni ayizi-2,250 kagwayi we-Remington Gold, wenani lika-R606,510; 4,200 iziqukathi zokhilimu be-Extra Clear, ababiza u-R252,000; amashubhu angu-5,760 ekhilimu yobuso ye-Epiderm, enenani lika-R172,800; kanye namaphilisi e-Appeti abiza u-R695,000. Ngaphezu kwalokho, kushaqwe iloli nenqola ebiza u-R1.1 million.

Bobabili abasolwa bangabokufika kuleli kanti babhekene namacala abucayi okushushumbisa izimpahla ezingekho emthethweni. Bazovela enkantolo ngoLwesithathu, lapho bezobekwa khona amacala ngokusemthethweni. Ukuboshwa kwabo kuphawula esinye isigameko esibalulekile empini eqhubekayo yokulwa nokushushumbiswa kwemingcele.

UKhomishana wamaphoyisa esifundazweni uLieutenant General Thembi Hadebe uzwakalise ukuncoma isikhulu sezokuthutha kanye neSAPS ngokuphendula kwabo ngokushesha, wancoma imizamo yabo yokuqinisekisa ukuphepha komphakathi nokunqanda ukuhwebelana ngokungemthetho. Isinyathelo esisheshayo seziphathimandla sinqande ukuthutheleka okukhulu kwezimpahla ezingekho emthethweni ezweni.

Ngaphandle kokuphumelela kwalo msebenzi, i-Groblersbrug Border Post isalokhu iyisizinda esikhulu semisebenzi yokushushumbisa. Iziphathimandla zifunge zagomela ukuthi zizoqhubeka nemizamo yazo yokuzama ukulwa nohwebo olungekho emthethweni, ziqinisekise ukuthi izenzo ezinjalo ezingekho emthethweni ziyabanjwa ngokushesha.