Uthembise ushintsho olunzulu eKZN uPappas

Omele iDA kwesikaNdunankulu KwaZulu-Natal, uChris Pappas, uthembise ushintsho olukhulu esifundazweni uma sekuphethe iqembu leDA ngesikhathi ekhuluma kumbuthano wosuku lwamalungelo abantu obuse-Uvongo eningizimu yeKwaZulu-Natal. “Uma kukhona okungakusebenzeli, shiya.” kusho uPappas ekhuluma nge-ANC wathi abavoti mabayilahle ngoba ihlulekile ukuphatha izwe kule minyaka engu-30 edlule.

UPappas uphinde wagxeka ukuphulwa kwamalungelo abantu, ngokuthi bangahlinzekwa ngamanzi ahlanzekile. Uthembise ukuthi uma kuthatha iqembu leDA, izinto zizoshintsha kakhulu kulesifundazwe.

“Njengoba sibheke esikhathini esizayo, iDemocratic Alliance isimi ngomumo ukuhola iKwaZulu-Natal iphume kulo mshikashika. Isethembiso sethu akukona nje ukuxazulula inkinga yamanzi kodwa ukuletha intuthuko esimeme nempumelelo yabo bonke abahlali bakhona. Ngomhla zingama-29 kuNhlaba, ivoti lakho lingasiza ekuguquleni lo mbono ube ngokoqobo.” kusho uPappas

“Ngokubambisana, sinamandla okutakula i-KZN, siqinisekisa ukuthi ilungelo lomuntu lokuthola amanzi eliyisisekelo alisesona isithembiso, kodwa liyinto engokoqobo yaso sonke isakhamuzi. Ivoti lakho liyizwi lakho – malinanele ebhokisini lokuvota ukuze uthole ikusasa eliqhakazile nelivikeleke amanzi KwaZulu-Natal.” enezezela.

WATCH: The DA's Premier candidate for KwaZulu-Natal, Chris Pappas, tells a human rights day gathering at Uvongo in southern KwaZulu-Natal that "if something doesn't work for you, you leave it." He was referring to the ANC and argued voters to dump it because it has failed the… pic.twitter.com/ze0ikPdv7L

— Sihle Mavuso (@ZANewsFlash) March 21, 2024

Abalandeli beDA bamukela ngenhlokomo uChris Pappas ehholo ledolobha lase-Uvongo, ngesikhathi ezothula lenkulumo embuthanweni wosuku lwamalungelo abantu.

VIDEO: DA supporters welcoming Chris Pappas at Uvongo town hall near Margate in southern KwaZulu-Natal. The DA's Premier candidate for KwaZulu-Natal is in the area to address a human rights day gathering. His visit comes shortly after a low-key visit by ANC President Cyril… pic.twitter.com/qxUFB8P6FL

— Sihle Mavuso (@ZANewsFlash) March 21, 2024