Bakhala ngokulahlekelwa ithemba kuANC omakadebona balenhlangano

Njengoba i-African National Congress (ANC) igubha iminyaka engu-112 yasungulwa eMbombela Stadium ngoMgqibelo, abanye bomakadebona bathe banethemba lokuthi leli qembu ngeke ligudluke emigomweni yalo. Izinkulungwane zabalandeli be-ANC zibuthene enkundleni yezemidlalo njengoba umengameli weqembu uCyril Ramaphosa ethula inkulumo yosuku ntambama.

Esikhathini lapho omakadebona be-ANC bephumela obala begxeka ubuholi obukhona njengamanje, kuke kwaba nokukhathazeka ngokuthi leli qembu aliwunaki umsebenzi walo kubantu nezimpande zalo. UMnuz Mac Maharaj weqembu uthe i-ANC kumele ihlanganise abantu baseNingizimu Afrika asebelahlekelwe yithemba kule nhlangano.

“Baningi asebelahlekelwe yithemba ngakho kumele sisebenzele ukukhuthaza ithemba ukuze sisebenzisane ukushintsha izwe.”

Khonamanjalo, usihlalo wekhomishana yobuqotho ye-ANC uMfundisi Frank Chikane uthe iqembu kumele ligxile ekuthuthukiseni izimpilo zabantu abampofu.

“Siyethemba ukuthi lo mbutho uzohlala ungowabantu ukuze abantu baqonde ukuthi uyaphi. Zonke izinselelo kumele kubhekwane nazo.”