I-KZN Olympic Style Boxing Organisation ivale ngehlahla kozakwabo base-Eastern Cape ezimpini ebezisezingeni eliphezelu e-EC. Amabhokisa aKwaZulu-Natal akhombise izinga eliphezulu kakhulu njengoba ebebhekene nezimbangi zawo ezinkulu esibhakeleni zase-Eastern Cape.
ISanabo KZN Boxing Olympics Styles beyithumele amabhokisa angu-20 kwanqoba angu-18 athola amagolide. Kwahlulwa amabili kuphela.
Uhlu lwabahlomule ngezindondo:
*Igolide:*
Lumka Ntombela, Samkeliwe Ncube, Nozipho Ndlangamandla, Gcinokuhle Sangweni, Philasande Ngobese, Fundani Gumede, Snezelo Mbatha, Phiwokuhle Mnguni
*Isiliva:
Scelo Mkhwanazi, Cebo Nkambule, Lesedi NtshanganeUNtandoyenkosi Ncube noSiphiwe Nkomo abazange bathole zimbangi.
Umengameli weSANabo KZN Boxing Olympics Styles uBanele Magadla uthe iKwaZulu-Natal iwuqale kahle umsebenzi wokulungiselela ama-Olympics ngezinga eliphezulu.
“Sinamabhokisa amaningi asezingeni eliphezulu. Kukhona amabhokisa amele iNingizimu Afrika emidlalweni yama-Olympics namele lesifundazwe emidlalweni yezifundazwe,” kusho uMagadla.
Uthe lamabhokisa bazowagcina esesimweni esihle njengoba bezowatshala kubahleli bezimpi abakhokhelwayo. Kukhona azojima eMgodini Gym eDundee ngoPhiwokuhle Mnguni, kukhona azojima kuMvelo Boxing Gym eMgungundlovu, kanti abanye bazojima eThekwini Boxing Gym.
Uthe okwamanje kukhona amabhokisa ethu ajima ePrime High Performance eMoses Mabhida Stadium.
Discover more from IBUNDA NEWS
Subscribe to get the latest posts sent to your email.
