Ngu: Sidlabehlezi Gumede
Ukhungathekile umphakathi waseNtunjambili eKranskop maphakathi nesifundazwe saKwaZulu-Natal ngemuva kwesigameko sokubulawa kwabantu ababili ngesihluku.
Laba ababulewe, baqale balaliswa phansi ngaphambi kokuthi badutshulwe emakhanda ngezibhamu ezinkulu. Ababulewe bebeya eTuckshop kwaqhamuka amaveni amabili.
Kwehla abantu phakathi bazenza amaphoyisa bathi abalale phansi.
Kuthe sebeqede ukubalalisa phansi base bebadubula amahlandla amaningi emakhanda qede bashaya bachitha ngamaveni.
Bebebadubula ngezibhamu ezinkulu ngoba endaweni yesigameko kutholakale amagobolondo ezibhamu ezinkulu.
Sekujutshwe icrime intelligence, abaholi bendawo, iCPF namalungu omphakathi ukuba basize kubanjwe ababulali.
Okhulumela amaphoyisa KwaZulu-Natal uColobel Robert Netshiunda usiqinisekisile lesi sigameko.
Uthe amaphoyisa aphenya amacala amabili okubulala enzeke endaweni yaseKranskop.
Discover more from IBUNDA NEWS
Subscribe to get the latest posts sent to your email.
