URhulani ugqunywe esitokisi waphinde wadedelwa e-Algeria

Ngu: Mduduzi Mbangayiya

UClayson Monyela okhulumela umnyango wezangaphandle eNingizimu Africa uqinisekisile ukuthi uRhulani Mokwena uphephile ehotela e-Algeria futhi uzohlangana neNxusa lakuleli neziphathimandla zase-Algeria ukuze kuqinisekiswe ukuthi usohambweni oluphephile olubuyela ekhaya.

Lokhu kulandela ukuboshwa kwakhe esikhumulweni sezindiza e-Algeria ngesonto, lapho wephula khona umthetho othinta ukuphathwa kwemali kuleliyazwe.

Kumanje, uMokwena usohambweni lokuya eLibya ukuze aqale umsebenzi wakhe omusha wokuqeqesha i-Al Ittihad.

Uhlela ukuhlangana neqembu lakhe elisha maduzane.

Kuzokhumbuleka ukuthi uMokwena usanda kushiya i-MC Alger, iqembu lase-Algeria, ezinsukwini ezimbalwa ezedlule.

Uhlale kuleliqembu izinyanga eziyisithupha kodwa wakwazi ukunqoba i-Algerian Super Cup, washiya iqembu liqhwakele phezulu ku-Algeria Pro League.