ngu: Mduduzi Mbangayiya
IMamelodi Sundowns FC iguqise kabuhlungu iMC Alger ngo-2-0 emdlalweni wokugcina wamaqoqo weCAF Champions league eLoftus Versfed Stadium ePitoli.
Umgadli waseColombia uBrayan Leon Muniz nguyena obeyiqhawe leDowns ngesikhathi evalela amagoli amabili, elokuqa ulivalele enethini ngomzuzu wesithupha ibhola alithole kuJayden Adams, ngomzuzu ka-60 esiwombeni sesibili ushayele isipikili segoli lokunqoba lokuthi iMamelodi Sundowns FC idlulela emdlalweni womkhumula jezi.
Uqale lomdlalo wezimbangi ezinkulu ebholeni lase-Africa kunezinkulumo eziningi ebezithinta umhlaziyi weMamelodi Sundowns F.C uMario Masha okubenezinsolo eziqinile zokuvuzisa ulwazi oluyimfihlo kuRhulani Mokwena ongumqeqeshi weMC Alger .
UMasha usolwe nguCardoso ngokuvuzisela uRhulani amacebo omdlalo wamanqamu kumaqoqo eCAF Champions league.
Ngesikhathi eziphendulela uMokwena uphike walala ngomhlane waziqhathulula, uMario Masha usamisiwe yiqembu njengoba lisenza uphenyo lwangaphakathi.
