Kuboshwe abokufika aba-2 ngokubulala uSipho Letsoalo

Amaphoyisa aseMankweng abophe abantu ababili bangaphandle, abaneminyaka engu-20 no-50, mayelana necala lokubulala indoda eneminyaka engu-40 ubudala eGa Mothapo, esigodini saseMagoa, esingaphansi kwendawo yamaphoyisa eMankweng.

Ngokwemininingwane etholiwe, isisulu sokuqala besilele ekhaya kanti unina wamvusa wamazisa ukuthi kukhona ofuna ukusibona ngaphandle. Uthe uma ephumela ngaphandle wadudulwa ngeveni labo lohlobo lweToyota Hilux emhlophe ngabalisa abathathu abangaziwa abebepake ngaphandle kwegceke.

Umndeni uzame ukulwa nabasolwa ngemuva kokuvela izinsolo. Umndeni wahlulwa amandla abasolwa balibangisa eMaremadi. Umphakathi wathatha izikhali walandela abasolwa. Ngesikhathi befika endaweni yesigameko kwatholakala ukuthi izisulu zilimele kanzima kwabe sekubizwa amaphoyisa.

Izisulu ezilimele ziphuthunyiswe esibhedlela esiseduzane, lapho okudabukisayo kushone khona isisulu sesibili ngenxa yamanxeba aso. Udadewabo uhlonze igama lakhe ngelikaSipho Tebogo Letsoalo, 40, waseMents Village. Izisulu zisolwa ngokuba yingxenye yokugetshengwa kwebhizinisi kwesinye sespaza sikamsolwa.

Ngemuva kwalokho kuboshwe abasolwa ababili esigodini saseMaremadi endaweni yesigameko bathweswa icala lokubulala. UKhomishana wamaPhoyisa aseNingizimu Afrika eLimpopo, uLieutenant General Thembi Hadebe, usigxekile lesi sigameko wanxusa umphakathi ukuthi uyeke ukuzithathela umthetho futhi ubikele amaphoyisa ngezenzo zobugebengu.

Laba bobabili bazovela eNkantolo Yesifunda saseMankweng kanti kulindeleke ukuthi kuboshwe abanye abantu. Uphenyo lwamaphoyisa lusaqhubeka.