Kushube isimo KwaThema ngemuva kokuthi izakhamuzi zizibambele mathupha, zasusa amakhontena angomahamba nendlwana ahlala abangabokufika. Lesi senzo esinzima silandela ukuthi laba badayisa ukudla osekuphelelwe yisikhathi nokungase kube yingozi emphakathini, kanye nokukhathazeka ngokuthi abanikazi bezitolo abanalo galelo ekuthuthukisweni kwendawo.
Ngokubika kweScrolllaAfrica, lesi senzo size ngemuva kokuthi izakhamuzi zizwa ukuthi abanikazi bezitolo, abaxoshwa ngaphambilini ngoDisemba, babehlele ukubuya. Ngenxa yokwesaba ukuphindwa kwezinsolo zokudayiswa kokudla osekuphelelwe yisikhathi, iqeqebana lomphakathi laqasha u-crane ukuze kukhishwe amakhonteyina unomphela.
“Sizimisele ngalokhu; asifuni babuye kulo mphakathi,” kusho uTshepo Mwelase, okhulumela izakhamuzi. Uqhube wathi abantu bendawo abathanda ukusebenza nalezitolo ngeke bavunyelwe ukuthi bawathathele amakhonteyna ngoba besaba ukuthi bazovele babambe ongezansi kubanikazi bawo.
The residents of Kwa-Thema have hired a crane to remove all the containers which foreign national tuckshop owners operated from. pic.twitter.com/qVDyqWXM1U
— Doreen Mokgolo (@Doreen_Mokgolo) February 1, 2024
Abahlali baphinde babalula ukukhathazeka ngokungahlomuli komphakathi ezitolo eziphethwe abokufika. UTebogo Makgalemele, esinye isakhamuzi, uthe abanikazi bezitolo bayehluleka ukukhokha irenti, bahluleka nokufaka isandla ezinhlelweni zasendaweni, noma ngisho nokuthuthukisa umhlaba abahlala kuwo.
Yize ezinye izakhamizi ziseseka lesi senzo, ezinye zizwakalisa ukukhathazeka ngokuba semthethweni kanye nemiphumela engaba khona kwezomnotho. Kulindeleke ukuthi uMasipala waseKurhuleni ulahle amakhonteyna asusiwe, kanti isimo sisashubile njengoba izakhamuzi zisalinde okunye ukuthuthuka.
Discover more from IBUNDA NEWS
Subscribe to get the latest posts sent to your email.
