UNobhala we-ANC esifundazweni KwaZulu-Natal udalule ukuthi wenza imizamo yokunxenxa owayenguMengameli wezwe uMnuz Jacob Zuma ukuthi angashiyi ku-ANC. UMnuz Bheki Mtolo utshele isithangami sabezindaba eThekwini namuhla ukuthi uqale wathumela uMbhishobhi Vusi Dube (umngani omkhulu kaZuma) weThekwini Community Church ukuthi ayokhuluma noZuma wagcina engaphumelelanga.
Kuthe ngokuhamba kwesikhathi wathumela uMnuz Willies Mchunu, inkakha yeqembu ophinde waba nguNdunankulu wesifundazwe naye wahluleka. UMtolo uphinde waveza ukuthi wajuba uDkt Zweli Mkhize ukuthi azokhuluma noZuma kanti basazohlangana mhlawumbe ngenxa yokuba matasa kwabo.
Discover more from IBUNDA NEWS
Subscribe to get the latest posts sent to your email.
