Ukhale izinyembezi zenjabulo ugogo wakwa Mkhize eNgulule ngesikhathi kufika uMhlonishwa Meya uCllr Dr. F.J Sikkhakhane uSekela Meya, uCllr TB Mbatha kanye nabahlonishwa besigungu iExco.
UMhlonishwa uMeya uhambele kulemizi ngenhloso yokuzohlaba isoyi ukuze kwakhiwe izindlu ezinamagumbi amabili.UMkhandlu waseMsinga uphume umkhankaso wokuhambela wonke amawadi aseMsinga nalapho bebheka imizi ehlwempu ukuze bezokwazi ukubakhela izindlu.
“Ayikho into ebuhlungu njengokuswela indlu yokulala” lawo amazwi akhulunywe uMhlonishwa uMeya ngenkathi ezothula usonkontileka kwenye yama ward ekade ewahambele namhlanje.
uMhlonishwa uMeya UCllr Dr FJ Sikhakhane kanye nabahlonishwa besigungu esiphezulu iExco, bebeyoguqula isoyi emizini emithathu kuma-ward amabili, okungu-ward 10 oholwa uCllr B Dumakude wona onemizi emibili kwaSikhakhane nakwaXimba.
Lemizi yomuthathu ibivakashelwe ngenhloso yokuzothula osonkontileka abazokwakha izindlu ezinamagumbi amabili, kuzophinde kube khona abantu abayishumi nambili(12) abazozitholela imsebenzi yesikhashana. Kuzoqalwa ngomsombuluko 23 October 2023 ukusebenza.
