UCedric Kaze ongomunye wabaqeqeshi abangamabamba ku Kaizer Chiefs uthi bazobuya nge Mamelodi Sundowns FC ngemuva kokuphoxa abalandeli be Kaizer Chiefs beshaywa kabuhlungu yi Siwelele FC ngamagoli angu 2-0 emdlalweni we Betway Premiership League.
Abalandeli baphinde balahla ithawula manje ngalabaqeqeshi ababambile uKhalil Ben Youssef no Cedric Kaze ukuthi baphelelwa ngamaqhinga njalo mangabe bezodlala umdlalo womkhaya nangemuva bayahluleka ukubopha amabhawodi axegayo.
Leliqembu lihlulwe kabuhlungu yi Siwelele FC emdlalweni we Betway Premiership League ,besekunethemba ukuthi bazothola indawo yesibili noma benqobe iligi.
IKaizer Chiefs izodlala umdlalo neMamalodi Sundowns FC we Betway Premiership League eLoftus Versfed Stadium ePitoli ngomhlaka 6 May ebusuku ngo 19:30 .Lomdlalo uzoba ngumdlalo onzima kulamaqembu njengoba iMamelodi Sundowns FC -ilwela ukunqoba isicoco se Betway Premiership League nesifuna ngempela njengoba isembangweni ne Orlando Pirates.
IKaizer Chiefs idinga amaphuzu amathathu agcwele -angayibeka endaweni enhle mangabe inqobile lomdlalo .
Discover more from IBUNDA NEWS
Subscribe to get the latest posts sent to your email.
