Umdlali we-DHL Stormers ne-Springboks -uSacha Feinberg-Mngomezulu, uthi akumphathi nakancane kabi ukugxekwa akuthola ezinkundleni zokuxhumana.
Ekhuluma ngesikhathi iqembu lilungiselela umdlalo omkhulu ne-Glasgow Warriors e-Cape Town Stadium ngoMgqibelo, u-Sacha oneminyaka engu-24 ubudala uthe uyazibona izinto ezibhalwayo kodwa akazivumeli ukuthi zimthinte.
“Ngiyazilandela izinkundla zokuxhumana ngakho ngiyakubona obakusho ngami, ey kodwa uma ubuka ibhola lase-Europe, kubi kakhulu lapho,” kusho u-Feinberg-Mngomezulu.
Uthe inqobo nje uma abaqeqeshi bakhe bejabule ngokudlala kwakhe, konke kuhamba kahle.
U-Sacha uke wagxekwa kakhulu emasontweni edlule ngemuva kwemidlalo embalwa lapho i-Stormers yehluliwe khona. Umqeqeshi we-Stormers, u-John Dobson, uvikele umdlali wakhe ngokuthi “Umsindo ozungeze u-Sacha uyakhathaza futhi ke angiqondi ukuthi kungaba kanjani ukuzonda umfana onekhono elingaka nethemba elikhulu le-Stormers ne-Springboks”
Discover more from IBUNDA NEWS
Subscribe to get the latest posts sent to your email.
