UBrayan Leon Muniz ushiye kukhalwa eTunisia ngesikhathi evalela phakathi igoli leMamelodi Sundowns ngesikhathi beguqisa kabuhlungu esibayeni sayo i-Esparance ngo 1-0 emdlalweni we CAF Champions league kowandulela owamanqamu. Leligoli likhandwe kamnandi ngu Thapelo Morena obeqhamuka ngasophondweni lwesokudla walidlulisa kahle kuLeon walibeka enethini.
ULeon ubeseshaya igoli lakhe lesine ku CAF Champions league emdlalweni eyisithupha lokho kumnikeza ithuba lokudla umhlanganiso wokuba ngumshayi magoli ovele kuCAF Champions league. Khona manjalo, kulomdlalo kuphume umdlalo wasemuva weDowns uGrant Kekana ngekhadi elibomvu ngemuva kokudlala kabi umdlali weqembu le Esparance.
UKekana uzohlala imidlalo embili ye CAF Champions league. Izindaba ezinhle kubalandeli beMamelodi Sundowns ukubuya kuka-Aubrey Modiba obedonsa isigwebo sekhadi.
ISundowns izowudlalela ekhaya umdlalo womlenze wesibili weCAF Champions league nokuyinika amathuba amaningi okuthi ikwazi ukungena kowamanqamu weCAF Champions league.
Email: editor@ibunda.co.za
Discover more from IBUNDA NEWS
Subscribe to get the latest posts sent to your email.
