UJomo uchome olwegwalagwala isikhulu soMsinga United

UJomo Sono ongusihlalo weJomo Cosmos uchome uphaphe lwegwalagwala usihlalo woMsinga United uWelcome Mpanza ngokuthuthukisa ibhola eMsinga.

USono uthe uMsinga United uphethwe ngendlela ehlelekile. “UMpanza ngimchoma uphaphe leGwalagwala ngokuthuthukisa ibhola eMsinga,” kusho uSono .”Ngifuna ukukutshela ngento engiyibone kuPirates Cup yenziwa nguMsinga United, abadlali baleli qembu badlala ibhola elisezingeni eliphezulu ngendlela yokuthi sibadinga emaqenjini esizwe belapha bekhona,” kuqhuba uSono.

Uthe yena ukhule azi ukuthi abantu baseMsinga bayalwa izimpi zezizwe.”Ngiyakhumbula ngesikhathi nathi lapha eGoli sixakwe udlame lezepolitiki sathuthelwa eMsinga siyofunda khona. Mina ngafika eNewcastle lapho ngathola khona uSizwe Motaung, Helman Mkhelele, Linda Buthelezi, Vincent Sokhela no-Innocent Mcwango,” usho kanje. Uthe abadlali basezindaweni zasemakhaya yibona manje okungabunjwa ngabo iqembu lesizwe lakuleli iBafana Bafana.

“Mangabe uya obhuqwini eLimpompo uzobathola abadlali abasezingeni eliphezulu, nomangabe uya -eMpumalanga uyabathola abadlali abanohlonzo nako-Eastern Cape,” kusho uSono.Kuzokhumbuleka ukuthi omunye umdlalii ongasekho emhlabeni uMniseni Ndishi Ndlovu wadlala kuMsinga United nakuJomo Cosmos.

About The Author

Mduduzi Mbangayiya

See author's posts