ICasric Stars iqhubezele phambili izinkinga zaMaZulu FC zokunganqobi imidlalo eminhlanu ilandelana. AmaZulu FC awuqale umdlalo ehlasela kodwa engafiki emapalini eCasric Stars ebivimbile emuva kodwa ebiphuma ngamabreak attacks kuphela.
Ngempela iCasric Stars igcine ilitholile igoli elivalelwe enethini nguMfundo Thikazi ngomzuzu ka 12. AmaZulu FC abuyile ngomzuzu ka-49 ngegoli lokulinganisa elivalelwe enethini nguHendrick Ekstein.
Amaqembu womabili aphinde aqala phansi ahlaselana kodwa kungekho efuna ukugoba uphondo njengoba bezintanganye. Lo mdlalo uphelelile emzuzwini engu 90 zisabambene wadlulela esikhathini esingeziwe, uDecide Chauke ungenile wafika washaya igoli lokunqoba kwe iCasric Stars yagcina idlulela kowandulela owamanqamu weNedbank Cup.
Khonamanjalo, komunye umdlalo weNedbank Cup iMilford FC iguqise iSekhukhune FC sekukhahlelwa amaphenathi ngo 3-2 ngemuva kokudlala imizuzu engu 120 zibambene ngo 2-2.
IMilford FC ihlezi phezulu kuMotsepe Foundation League kuthi iCasric Stars yona ihlezi endaweni yesithathu kuMotsepe Foundation League.
Discover more from IBUNDA NEWS
Subscribe to get the latest posts sent to your email.
