Kubulawe abasolwa abayisithupha elokishini laseNanda enyakatho yeTheku kulandela ukudutshulwa kwamaphoyisa ngesikhathi zitholana phezulu. I-SAPS KwaZulu-Natal ithi abasolwa abayisithupha ababulawe eMachobeni (eNanda) enyakatho yeTheku ngesikhathi kudutshulwana namaphoyisa bebefunelwa uxhaxha lwamacala. Babefunwa uthuli lwezichwe ngamacala okugebenga izindlu, ukubulala, ukuduna izimoto nokugebenga amabhizinisi.
Ngemuva kwalokhu kudubulana, amaphoyisa abophe owesifazane oneminyaka engu-31 nabanye abasolwa ababili abatholwe endaweni yokucasha. Ngaphezu kwalokho, kutholwe izibhamu ezimbili nesibhamu esincane kubasolwa, kanye nemoto eyadunwa KwaDabeka ngoDisemba 2023. Abasolwa ababoshiwe bazovezwa enkantolo maduze.
Discover more from IBUNDA NEWS
Subscribe to get the latest posts sent to your email.
