UMsunduzi uthi udinga omunye u-R2 million ukulungisa amarobhothi

Umasipala waseMsunduzi uthi uzodinga u-R2 million owengeziwe ukulungisa amarobhothi angasebenzi ezimpambanweni zomgwaqo ezingu-16 keleli dolobha eliyinhloko dolobha esifundazweni KwaZulu-Natal.

Izimpambanomgwaqo zemigwaqo eminingi kuledolobha ezithintekile kulo nkinga yokungasabenzi kwamaRobot omgwaqo zihlanganisa imigwaqo efana noPine kanye nePietermaritz Streets, kube uPine noHoosen Haffejee, uWest kanye Burger, noWest kanye noHoosen Haffejee. Iqhubeke kube ngu-West no-Boom, kube uPeter Kerchoff and Church, noPeter Kerchoff kanye neHoosen Haffejee Streets. U-Pietermaritz Street kanye no-Princess Lane nabo kuyabheda, kube u-Boshoff ne-Boom kuye ku-Retief no-Boom kanye no-Retief ne-Hoosen Haffejee Street iyathinteka kulensambatheka.

Imenenja yedolobha uLulamile Mapholoba uthe ziyaqhubeka izinhlelo zokuthola izindlela zokulungisa amarobhothi anephutha. UMapholoba uthe umonakalo wamarobhothi ubuwenziwe ngamabomu futhi uphazamisa bonke abasebenzisa umgwaqo. Siyakuqonda ukukhungatheka okubangelwa amarobhothi angasebenzi, futhi sisebenza ngokuzikhandla ukuze sixazulule le nkinga.

“Njengamanje zingu-16 izimpambano zemigwaqo yedolobha laseMsunduzi ebhekene nenkinga ikakhulukazi ngenxa yokweba noma ukucekelwa phansi kwezilawuli zemigwaqo. Lezi zenzo zobugebengu ziphazamise ukuhamba kahle kwezimoto futhi zibeka engcupheni nabasebenzisi bomgwaqo,” kusho uMapholoba.

Uthe isabelomali sokuqala esabelwa ukushintshwa kwezilawuli ezebiwe kwabangu-R1.6 million. Kodwa-ke, ngenxa yobukhulu bomonakalo kanye nesidingo sokwengezwa kwezinye izindawo, kuzocelwa ukuthi kuhlanganiswe isabelomali sika-R2 million ngesikhathi sokubuyekeza maphakathi nonyaka, esho.

“Le mali eyengeziwe izosisiza ukuthi sisheshise uhlelo lokushintshwa kanye nokubuyisela ukusebenza kwemigwaqo okwejwayelekile. Izindleko eziphelele zokushintsha amasignali zizohlanganisa ukuthengwa kwezilawuli ezintsha kanye nezinqubo ezidingekayo zokufakwa nokuhlola,” kusho uMapholoba.

Uthe ukuze kuncishiswe umthelela wamarobhothi angasebenzi ngesikhathi sokusebenza kanzima, uMnyango wezomgwaqo weDolobha uzohlinzeka ngosizo lokulawula ukuhamba kwezimoto njengoba kuzotshalwa amaphoyisa kuzo zonke izindawo ezithintekile. Umgwaqo uMasukwana noHoosen Haffejee, uSelby Msimang noCaluza; UKhan noChota Motala, King Edward kanye neCoronation Roads nabo bangeminye yemigwaqo enalenkinga futhi ezolungiswa ngoba kulindwe lemfakela mali.