Iqembu lesizwe lase Namibia limangaze yonke Africa ngesikhathi lishaya ompetha be African Cup of Nations bango 2004 iTunisia.Abafana bakaCollin Benjamin banqobe ngegoli likaDeon Hotto alishaye ngomzuzu ka 87. Leliqembu lase Namibia beliqala ukunqoba umdlalo we African Cup of Nations, selokhu yaqala ukubamba iqhaza kulemidlalo. Leliqembu lithole amathuba amaningi ngesiwombe sokuqala njengoba uPeter Shalulile eshwebe igoli ebekumele abeke phambili iNamibia.
Abafana baseNamibia bakhombise ukuzithemba njengoba yibona abadlale kahle kulomdlalo bekhombisa ukubonana kancono. Iqembu laseNamibia selizobhekana ne Bafana Bafana emdlalweni olandelayo. Leliqembu liqeqeshwa ngu Collin Benjamin owadlala Germany ku Humberg SV, Munich kanti waba ngumdlali wokuqala wase Namibia owadlala ku UEFA Champions League.
Lomqeqeshi oneminyaka engu 45 nokhombise ukuba ngumqeqeshi okhaliphile. Iqembu lelizwe lase Namibia yilona kuphela izwe elisanqobe umdlalo wendebe ye African Cup of Nations kumazwe aqhamuka eNingizimu ye Africa njengoba iBafana Bafana yehluliwe kwathi Mozambique, Angola badlala ngokulingana.
Discover more from IBUNDA NEWS
Subscribe to get the latest posts sent to your email.
