Esitatimende esikhishwe yi-EFF eKZN mayelana nesamba semali engu-R33 million okusolakala ukuthi ishoda esikhwameni sikamasipala iZululand District Municipality. I-EFF KwaZulu-Natal ifuna kwenziwe uphenyo ngemuva kokuthi kukhishwe imali engu-R33 million ngokungemthetho e-akhawuntini yasebhange kamasipala waseZululand ophethwe yi-IFP enyakatho yeKwaZulu-Natal. Iqembu lezibomvu lithi kuyakhathaza ukuthi kunyamalale isamba esikhulu kangaka semali kungaboni muntu.
Umasipala waseZululand ophethwe yi-IFP enyakatho neKwaZulu-Natal uziphikile lezinsolo ze-EFF zokuthi kwebiwa u-R33 million ebhange. Umasipala uthi mhla zingama-27 kuZibandlela wezi-2023, i-ABSA yabikela umphathi walomasipala ukuthi kukhona owayezama ukungena ku-akhawunti yasebhange, imizamo yokukhwabanisa yavinjwa, kwangalahleka imali. Iqhube yathi kunophenyo oluqhubekayo ngalolu daba.
Kanti sekuvele ukuthi loludaba luka-R33 million okusolwa ukuthi untshontshiwe kwi-akhawunti yasebhange yakwa-ABSA kumasipala wesifunda iZululand ophethwe yi-IFP ludingidwe emhlanganweni wakamuva walo masipala. Manje i-EFF ifuna kwenziwe uphenyo. Umasipala uyakuphika lokhu, uthi bekuyimizamo nje evinjwe uphiko olulwa nokukhwabanisa kuleli bhange.
Discover more from IBUNDA NEWS
Subscribe to get the latest posts sent to your email.
