[DISPLAY_ULTIMATE_SOCIAL_ICONS]
Njengoba kuyinyanga yezokuthutha (October transport month)uMkhandlu waseMsinga uphume umkhankaso wokuqwashisa ngokukuphepha emgwaqeni njengoba sekusondela amaholidi kaZibandlela. Namuhlanje uMhlonishwa uMeya UCllr Dr FJ Sikhakhane noSekela Meya Cllr TB Mbatha namalungu esigungu esiphezulu iExco behambisana nabakwa SANTACO,uMnyango wezokuthutha kanye nezinye izinhlaka bebehlanganyele ePomeroy(ward18) ongaphansi bomholi UCllr FF Ndlovu. Ukuzoqwashisa abashayeli ngokubaluleka kokuphepha emgwaqeni. UMhlonishwa uMeya ukhulume nabagibeli kanye nabashayeli wabe esebafisela uhambo oluhle noluphephile.
iSANTACO okuyimboni ebhekelela amatekisi, ixhaswe UMKHANDLU WASEMSINGA nezinye izinkapani ezahlukahlukene bezihlangene ngokuzoqwashisa umphakathi waseMsinga ngezokuphepha emgwaqeni nokubaluleka kokugcina umzimba yethu inempilo.
uMhlonishwa uMeya Cllr Dr FJ Sikhakhane ubonge wanconcoza ukuthi bafikile bezogcizelela ngokubaluleka kwezempilo nokuziphatha emgwaqeni kubashayeli.
Kulomcimbi bekukhona uAyanda Msweli woKhozi fm kanye nezinyane leSilo.ISilo esebuza sakhothama sendele kwelamaThonga uMdlokombane, uMntwana uNhlanganiso Zulu uSihlalo weSantaco uMnz Boy Zondi,UMhlonishwa uMeya,uSomlomo woMkhandlu,uSekela Meya kanye bahlonishwa boMkhandlu waseMsinga.